Chesta è na storia ‘e tanno,
quanno lo re dei ruospi
s’annumurai ‘e na raganella,
vivevano lo primo
‘inta na pozza e terra
e l’amata soia
‘inta la vasca ‘e na fontanella
la sera co’ la luna
quattro zampate
e la ieva a spia’
da reto na cannella
l’avivava verè’
quann’era bella
quanno s’abbuttava
e poi na gracchiatella
cracra faceva
cracra quaccheruno arrispunneva
mentre lo ruospo arrusecava
na vota nce volle vutta’
pur’isso na gracchiata
e l’ascette nu crucru
e dinta nu mumento
s’accovaro tutte ‘e raganelle
resto’ isso sulo
spuorco e terra
co’ lo core a mille
che le faceva cracra.